نصائح هامه لكل من يشترى موبايل صيني ( الجوال الصيني )

السلام عليكم ورحمة الله وبركاته
يااارب تكونوا بخير

وانت بتشتري العده من عند البائع
اولا:
طلع كل حاجه من العلبه قدامك وابدأ في اول حاجه تجربه زي ان تفتح الموبايل
وتحط البطاريه
وتشغله وتسمع صوته وتشوف فيه فيديو مثلا وتجرب البلوتوث وكل حاجه في
الموبايل
وجرب البطاريتين كويس في الشحن

ثانيا:
هتجيب الشاحن وتخليه يوصلهولك بالكهربا وخليه يشحن شويه بتاع عشر دقايق كده

ثالثا:
لو عندوا كمبيوتر هتطلع الموصله وتوصله وتشوف هيقرا على الكومبيوتر ولا لا
وتجرب تشحنه منها برضه

رابعا:
تجرب الهاند فري وتسمع صوتها كويس وتجرب الزرار اللي بيبقى فيها

خامسا:
واهم مافي الموضع تكون واخد شرحتين معاك اللي هما بتوعك
وتجربهم وتجررب تتصل من دي ودي وتسأل اللي بتتصل بيه الصوت بيرن ولا حاجه

سادسا:
تجرب كروت الميموري وتشوفها هتقبل ولا لا ونزل عليها حاجه او خد حاجات
بالبلوتوث

طبعا اكيد الراجل هيتخنق وكده بس لا ده حقك انت تعبان في الفلوس دي مش
لاقيها في الشارع
يعني سيبك منه وجرب براحتك
وانت ماشي بقى قوله خليه يديك يومين او 3ايام او اسبوع ضمان
مش اول ماتطلع من المحل ويحصل حاجه في ساعتها يقولك انا مشوفتكش قبل كده
ولو الراجل رخم ومرضاش يخليك تجرب كل الحاجات دي
خليه يديك كام يوم ضمان عشان تجرب براحتك في البيت ومتزعجوش